Dum deus humano corpore risit humum. Virgo sed en vtero media inter vota soluto Salvifico mundo molliter edit onus, Fas tua supplicibus sterni ad præsepia votis, Fas dare sit sanctis oscula casta genis. Vertite cælestis cunabula vertite prolis
Nobilius quo nil prosperiusque nihil. Edit onus virgo, nec jam mora, conscius æther Signa dat, et summâ protinus arce tonat, Plaudit Io cælum, clangoribus insonat orbis Omnis Io, plausu terra sonante salit. Exultant vallesque cavæ, collesq supini, Sylvaque frondentes concutit álta comas. Vertite cælestis cunabula vertite prolis Nobilius quâ nil prosperiusque nihil. Flumina conversos stupefacto gurgite cursus. Sistunt, et trepidans lenius vnda fluit. Plaudit avis pennå, viridis que per avia sylvæ Insolitum suavi concinit ore melos. Omnia lætantur, ridet liquidissima mundi Forma, nitent agri, prata serena micant. Aurea lux totâ radiis fulgentibus æthrâ
Surgit et ardentes spargit vbique faces: Exultant hyades rutilæ, sua plaustra bootes Aurea, et auratos conspicit ire boves:
Tum primum Erigone miseri post fata parentis, Visa fuit gemitus deposuisse suos: Ipse quoque arridens jam non crudelis Orion Mite cruentato liberat ense latus. Vertite cælestis cunabula, vertite prolis
Quam mare sydereæ quam tremit aula domus, Parva loquor, forte et pastores montibus illis Servabant clausos septa per arcta greges: His niveus summo veniens adsistit Olympo Angelus et trepidis nuncia læta refert; Ite viri, superâ vobis saluator ab arce
Natus in humanâ carne videndus, adest. Pergite Davidicæ propere sub moenia, Bethles,
Et date mox regi munera astra novo. Dixerat, hi properant, fugit ille ad culmina cæli Ambrosioque omnem spargit odore locum. Extemplo magnum visi per inane volatus,
Et simul Angelici densa caterva chori: Fit plausus, reboat lætis discursibus ær, Ictaque jucundis perstrepat aura sonis. Vnus erat cantus, sit gloria summa tonanti Pace nova tellus, pace triumphet homo:
Responsant nemora, et montes, campique jacentes, Vnanimi plaudunt per loca cuncta sono. Vertite cælestis cunabula, vertite prolis
Quem mare, quem sumæ non capit aula domus Hæc inter studia, et magni solennia mundi Gaudia, nox cursus finit abacta suos:
Nox quâ nec superis, nec quâ mortalibus vnquam Lætior, aut mundo gratior vlla fuit.
Hæc nox illa fuit, multos quæ festa per annos Semper erit puris concelebranda sacris. Hæc desiderio patrum exoptata piorum Hæc spes sollicitis vatibus vna fuit.
Hæc illa est primis promissa parentibus, orbem Vix vbi condiderat dextera magna dei: Scilicet ex castâ quâ virgine surgerat heros Et deus, et vero corpore natus homo: Inclyta nox salve, nox optatissima salve, O nox ante omnes nobilitata dies. Tu mundi solem generas, radiisque serenis Perpetuæ monstras dulce salutis iter, Tu miros adeo partus, tu primula sentis Vagitus, tenero quos dedit ore puer. Ille en mortales deus immortalis in auras. Prodit, et humani corporis ossa gerit. Salve iterum nox chara deo, nox prospera mundo, Nox omni potior, nobiliorque die.
Vertite cælestis pueri cunabula, cujus
Laus et honos vllum nescit habere modum.
CHRISTUS IN CRUCE.
Respice quæ tulerim pro te (mi chare viator) Verbera, quas vultu cernis et ore notas: Aspice quanta manu sævâ mihi livida dantur Figunturque meis vulnera quanta genis. Cur eadem paterer nulla est mea culpa, nec vlla Causa, nisi vt nostra sanus homo esset ope. Languores ego nempe tuos, tua crimina gessi, Et sudore meo corpora sicca tenes. Cum male tractarer linguam, simul ora retenta Continui, tacitus verbera dira ferens: Vt solet agnellus coram tondente silebam
Et quasi quæ ducta est ad loca mortis ovis, Non satis ex limo quod te produximus olim
Ferimus esse aliquid cum nihil ante fores. Et tibi contulimus partem deitatis habendam Inque voluptatis jussimus esse loco. Te mihi fructiferam vitam plantare juuabit Tu tamen ingratus reddis amara mihi. Siccine pro meritis tantis tormenta rependis, Dasque creatori vulnera probra, crucem? En meus ille sacer vultus deitatis imago
Spiritibus superis gaudia summa ferens, Illa inquam facies, in quâ sit gloria cæli In quâ majestas cernitur atque nitor, Turpiter adsputa est mucosis plena salivis Squalet, et a pugnis aspice cæsa tumet. Præla ego calcavi solus, cruor vndique fluxus, Nec pars illæsa est corporis vlla mei. Comoveat te noster amor, namque arce paterna Lapsus amore tui tristia cuncta tuli Atque libens quid enim potuit me cogere, cujus Vis est omnipotens, quid? nisi verus amor. Ergo tuum cor redde mihi, cui pectus apertum Extensis manibus brachia tensa dedi. Disce meo exemplo patienter ferre dolores Et dare in adversis pectora tota deo. Nemo coronatur nisi quem patientia laudat, Ergo boni pugnans militis instar age.
Forte mihi puero putei super ore sedenti Annulus exciderat, nec erat spes ulla legendi. Cum pater e filo lapidem demittit in vndas Prædatorem auri: subitoque excitus ab imo Annulus occurrit fundo, lapidique cohærens Tanquam hamo piscis, summas effertur in auras. Talia mirantem Pater occupat. Accipe causam Nate, ait, et lapidem (non longa est fabula) nosce. Deucalion et Pyrrha (genus mortale duobus
In quibus omne fuit quondam et duo turba fuerunt) Vt reparent populos, sua post vestigia jussos Projiciunt lapides: lapides seu semina frugum Mollescunt, inque ossa virûm mutantur et ora Quanquam homines aliqui nondum digesta videntur Effigies et adhuc retinent de marmore multum, Duritiaque docent, quâ sint ab origine nati.
Jam nova crescebat soboles, et cura trahebat In diversa animos; nam prout cecidêre per vndas Aut per agros lapides, aut per spelaa ferarum, Aut propter montes ferrique aurique feraces; Sic genium traxêre loci, venatibus ille
Indulget, terram colit hic, illi æquora sulcant, Hi ferri venas, aurumque per omnia quærunt, Et sceleris quærunt mortisque per omnia causas. Tunc vero hæc oculis invitamenta malorum Abduxit Natura parens, et in intima terræ Viscera contraxit, Manesque removit ad imos. Sed tamen huc quoque descendit furiosa cupido Abdita rimatur, terramque eviscerat omnem, Scilicet indignata homini Natura. Quis vltra Finis erit? dixit, tellus exhausta metallis Ante gemit, quam dira fames saturata quiescat. Dum loquitur mentem magnetia vertit in aura Et puduit vertisse: videt molimine longo Instantes operi, defossique vltima mundi Scrutantes arcana, et opes (sua damna) petentes : O prona in terram clamat perituraque turba, Quodque sibi fodit prope Tartara, digna sepulchro. Dixit, et irato tremefecit numine terram, Oppressitque viros, et glebæ immiscuit artus; Quam male tractabat per aperta pericula glebam. Quin flamma e Stygiis (ut erat vicina) cavernis Illam memborum terræque sine ordine massam Fumida corripuit, coctamque in saxa coegit: Vnde color, species et adhuc semiusta remansit. Nec tantum color, at vivos quæ torserat olim Magnetes, etiam lapides sensuque carentes Tangit avaritia: vtque aurum, ferrumq legentes Oppressit fatum, sic ipsa cadavera prædam
Quæque suam agnoscunt, geminaque cupidine fervent, [16a*] Et trahit hic ferrum magnes, illa attrahit aurum. Tunc ego ad hæc patris ridens miracula, sane Quam metuo dixi, quando aurum poscimus omnes, Ne genus humanum saxa in magnetia migret. -Sic me fabellis pater oblectare solebat.
DE GESTIS, SUCCESSIBUS ET VICTORIUS REGIS SUESLE IN GERMANIA.
Arma prius ceceni cum panderet inclyta portas Sylva ducis Batavis, in Teutonas arma supersunt:
Quæ mea Caliope pangat, quæ numine fretus
Suecus in Albanis vibrans fæliciter arvis
Ista legat Carolus, Carolo neque gratior ulla est Quam sibi quæ Sueci pretexit pagina nomen. Visa diu lapsis felix Germania seclis Artibus, ingeniisque, et festa pace virebat, Fudit opes, frugesque immenso copia cornu, Dulciaque innocuæ peragebant otia gentes. Hoc dea prodigiis immanior omnibus ATE Vidit et invidit, sed non diuturna futura est Copia, et unanimes ditans concordia cives, Dixit, et implicitos canis arrecta colubros Incesta Austriacæ gentis de stirpe creati Ferdinandi furias, atque impia pectora fœdis, Concitat illecebris, stimulis quem ingentibus urget Sanguinis alta sitis, dominandi et cæca libido, Non ita cum celeres perflant incendia venti Sævit in ambustos exultans flamma penates: Nec tantum quoties vitiata Syrius aura Estuat atra lues vicos populatur et urbes Ferdinandi quantum rabies immane per orbem Teutonicum grassata furit, quem nulla coercet Relligio, summis auditaque fœdera cœlis, Ille sed ut valeat propriis emergere regnis Et scelere imperii latos extendere fines, In patriæ strictos acuit crudeliter enses Viscera quaque ruunt funesto mœnia bello Justitia et nudis libertas exulat agris. -Quid memorem cædes effera facta tyranni Sparsaque purpureis millena cadavera campis Dira Palatinus testatur prælia Rhenus, Danubiique, Albisque fluentes sanguine rivi?
Ista tuens occulis NEMESIS Rhamnusia justis Cur ita lenta mea est, inquit, manus? ergone semper Impanice Austriacus Germanas proteret herbas? Da pater, hoc Suecis aboleri dedecus armis, Si populo curas inimicam avertere pestem, Suscitat extemplo laudisque accendit amore, Ingentes Gustavi animos, qui fulminis instar Emicat, ac pulsos reficit justissimus ultor,
« PreviousContinue » |